Европ

Аяллын тухай

Прагаас Парис, Амстердамаас Франкфурт хүртэлх сонгодог Европ.

Европ тив бол олон зуун жилийн түүх, урлаг соёл, орчин үеийн хотууд, байгалийн үзэсгэлэнт бүсүүдийг төгс хослуулсан аяллын гайхамшигт чиглэл юм. Энэхүү аяллын хөтөлбөр нь Европын хамгийн алдартай хотууд, түүхэн дурсгалт газрууд болон соёлын өвүүдийг багтааж, аялагчдад жинхэнэ Европын уур амьсгалыг мэдрүүлэх зорилготой.

Аяллын явцад түүхэн хотуудын гудамжаар алхаж, дэлхийн алдартай урлаг, архитектурын бүтээлүүдийг сонирхон, кафе, уламжлалт хоол, дарсны соёлыг мэдрэх боломжтой. Мөн Европын хот хоорондын хурдтай, тав тухтай тээврийн системээр аялан, байгаль ба хотын төгс зохицлыг биеэр мэдрэх болно.

Хөтөлбөр

1. Өдөр 1
   Улаанбаатар → Франкфурт → Прага

   • Европын аяллын эхний өдөр Герман улсын санхүүгийн төв Франкфурт хотод газардана. Аяллын хөтөчтэй уулзсаны дараа Чех улсын нийслэл Прага хот руу хөдөлнө.
   • Прага нь Европын хамгийн үзэсгэлэнтэй дундад зууны хотуудын нэг бөгөөд “Зуун цамхгийн хот” хэмээн алдаршсан. Орой Прага хотод хүрч зочид буудалдаа байрлан амарна.
2. Өдөр 2
   Прага → Австри → Халльштат

   • Өглөөний цайны дараа Австри улсын Альпийн нурууг чиглэн хөдөлнө.
   • Замдаа Альпийн уулсын байгалийг биширч, ЮНЕСКО-гийн Дэлхийн өвд бүртгэгдсэн Халльштат тосгонд хүрнэ. Уулс, тунгалаг нуур, эртний байшингуудын зохицол бүхий энэ тосгон дэлхийн хамгийн үзэсгэлэнтэй суурин газруудын нэг юм.
   • Орой Австрийн нутагт зочид буудалдаа байрлан амарна.
3. Өдөр 3
   Австри → Венец → Верона

   • Өглөөний цайны дараа Итали улсын алдарт сувгийн хот Венец рүү хөдөлнө.
   • Сан Марко талбай, сүрлэг сүм болон түүхэн барилгуудыг үзнэ. Мөн Венецийн бэлгэ тэмдэг болсон гондола завиар нарийн сувгуудаар аялж, усан дээр баригдсан хотын өвөрмөц уур амьсгалыг мэдэрнэ.
   • Үдээс хойш Ромео, Жульеттагийн хайрын түүхээрээ алдарт Верона хот руу хөдөлж, зочид буудалдаа байрлана.
4. Өдөр 4
   Верона → Милан

   • Өглөөний цайны дараа Италийн хамгийн үзэсгэлэнтэй нууруудын нэг болох Гарда нуурын эрэгт саатна.
   • Италийн загвар, дизайн, санхүүгийн төв Милан хотод хүрч Дуомо сүм болон хотын алдартай үзмэрүүдтэй танилцана. Худалдааны гудамж, тансаг брэндүүд төвлөрсөн хэсгээр чөлөөт цагаа өнгөрүүлэх боломжтой.
   • Орой Милан хотод зочид буудалдаа байрлана.
5. Өдөр 5
   Милан → Шамони → Женев

   • Өглөөний цайны дараа Альпийн нурууг даван Францын алдарт уулын амралтын бүс Шамони тосгон руу хөдөлнө.
   • Баруун Европын хамгийн өндөр оргил Монблан уулыг ойроос харж, кабель вагоноор өндөрлөг хэсэгт гарч Альпийн сүрлэг байгалийг биширнэ.
   • Швейцарийн Женев хотод хүрч алдарт Jet d’Eau усан оргилуурыг үзээд зочид буудалдаа амарна.
6. Өдөр 6
   Женев → Парис

   • Өглөөний цайны дараа Франц улсын нийслэл Парис хот руу хөдөлнө.
   • Орой Парис хотод хүрч Эйфелийн цамхаг, Триумфын хаалгыг үзэн, Сена мөрний эргээр аялж Парисын романтик уур амьсгалыг мэдэрнэ.
   • Зочид буудалдаа байрлана.
7. Өдөр 7
   Парис

   • Өглөөний цайны дараа Парис хоттой бүтэн өдрийн турш танилцана.
   • Дэлхийн хамгийн том урлагийн музейн нэг Луврын музейд зочилж, Леонардо да Винчигийн “Мона Лиза” болон олон мянган үнэт үзмэрийг үзнэ.
   • Үдээс хойш Парисын алдарт худалдааны төвүүдээр дэлгүүр хэсэж, чөлөөт цагаа өнгөрүүлэх боломжтой.
8. Өдөр 8
   Парис → Брюссель → Амстердам

   • Өглөөний цайны дараа Бельги улсын нийслэл Брюссель хотыг зорин хөдөлнө.
   • ЮНЕСКО-гийн Дэлхийн өвд бүртгэгдсэн, Готик болон Барокко барилгуудаар хүрээлэгдсэн Гранд Плас буюу Алтан талбайг үзнэ.
   • Дараа нь Нидерланд улсын нийслэл Амстердам хотод хүрч зочид буудалдаа байрлана.
9. Өдөр 9
   Амстердам → Кёльн → Франкфурт

   • Өглөөний цайны дараа сувгууд, дугуйн соёл, өвөрмөц архитектураараа алдарт Амстердам хоттой танилцана.
   • Германы Кёльн хотод хүрч, 600 гаруй жилийн турш баригдсан Европын сүрлэг готик сүмүүдийн нэг Кёльний Катедралыг үзнэ.
   • Франкфурт хотод хүрч түүхэн төв, Рөмерберг талбайгаар аялна. Main Tower-аас хотын панорам үзэмжийг харах боломжтой.
   • Орой зочид буудалдаа байрлана.
10. Өдөр 10
    Франкфурт → Улаанбаатар

    • Өглөөний цайны дараа Франкфурт хотод чөлөөт цаг гарган, буцах нислэгийн бэлтгэлээ хангана.
    • Нисэх онгоцны буудал руу хөдөлж, Европын 9 шөнө 10 өдрийн аяллаа өндөрлөн Улаанбаатар хотыг зорин ниснэ.

Аяллын санамж